De Friese Aanpak (DFA) stiet foar de gearwurking tusken Fryske oerheden: de Provinsje Fryslân, de 18 Fryske gemeenten, it Wetterskip en de FUMO. De oerheden wurkje gear oan opjeften dêr't alle dielnimmende oerheden belang by hawwe. Bygelyks de ymplemintaasje fan de Omjouwingswet, bioferskaat en klimaatadaptaasje.

De Hegewarren is in polder yn de Lege Midden fan Fryslân. In nij perspektyf foar de polder is nedich, want de boaiem sakket. Wy sykje nei nij takomstperspektyf foar de Hegewarren; in perspektyf dêr't ek oare feangreidegebieten aanst fan leare kinne. Dat dogge wy yn ko-kreaasje.

Iepen Mienskipsfûns IMF siket nei inisjatyfrike ynwenners dy't in goed idee hawwe om de leefberens yn harren wyk, doarp of eilân te ferbetterjen. Fia it Iepen Mienskipsfûns stelt provinsje Fryslân jild beskikber om de projekten fan ynwenners fierder te helpen.

De Fryske Projektemasine helpt inisjatyfnimmers mei advys en stipesubsydzjes om harren ideeën út te wurkjen ta kânsrike projekten. Boargers of ynstânsjes mei ideeën foar Europeeske projekten kinne harren by de Fryske Projektemasine melde.

DOM is in gearwurkingsmetoade dy't doarpen en gemeenten stipet yn it mienskiplik bouwen oan libbensgelok. Hawwe jo in duorsum inisjatyf, sjogge jo moaie kânsen of in goed idee, mar witte jo net krekt hoe't jo it fierder bringe kinne? DOM makket optimale gearwurking en maksimale doarpsûntwikkeling mooglik.

It doarp Holwert is sels mei in foarstel kaam dat alle belutsenen entûsjast makket. Bewenners, wetter yngenieurs, ûndernimmers, keunstners en natuerleafhawwers sjogge der foardielen yn en wolle der mei oan de slach. Op it plak dêr't men fyftich jier lyn de Waadsee fierder ynpolderje woe, is in plan ûntstien yn tsjinoerstelde rjochting, wêrby't de natuerlike dynamyk krekt mear romte krijt.

Fryske boeren en oare grûneigeners hawwe faak goede ideeën om natuer te ûntwikkeljen of natuerynklusyf te buorkjen. Natuer mei de Mienskip, in gearwurking tusken 11 organisaasjes, siket mei de grûneigeners nei manieren om it Natuurnetwerk Nederland ôf te meitsjen. Doel is natuergebieten better mei-inoar en mei it omlizzende agraryske gebiet te ferbinen.

Yn Fryslân binne allegearre projekten dy't dwaande binne mei bioferskaatherstel. Op it platfoarm Biodiversiteit fine jo ferskate projekten dy't jo ynspirearje kinne of dêr 't jo ek oan mei dwaan kinne.

Mei har fyzje wol de Club van Aanjagers van de Tsjûkemar de mar ûntwikkelje fan in trochfeartmar nei in bestimmingsmar dy't gastfrij is foar elkenien en in ekonomyske ympuls foar it gebiet foarmet.